Франция терма жамоаси бош мураббийи Дидье Дешам Аргентина терма жамоасининг жаҳон чемпионати финали олдидан ўз услуби ҳақида гапирди.
Аргентиналиклар сариқ карточкалар бўйича турнир пешқадамларидан бири (12, Францияда 5) ва франциялик устози бу ҳолатни мутлақо табиий деб ҳисоблайди:
“Аргентина терма жамоаси ўзгача жанговар руҳга эга футболчиларни танлаб олди, улар жисмоний курашни, майдонда жанг санъатларини яхши кўради. Улар буни жуда яхши билишади ва ҳатто бу уларнинг ДНКсида бор деб айта оласиз. Лекин уларнинг яхши ўйинчи бўлиши ҳам муҳим. Аргентина услубини жисмоний курашга туширмаслик керак”, деди Дешам BeIn Sport нашрига.
