Аргентиналик боксчи Серхио Мартинес ЖЧ-2022 финали ҳақида гапирди.
«Мбаппе жаҳон чемпионатидаги энг кучли ўйинчи. Майдонда у Усэйн Болтга ўхшайди. Ўйлайманки, финалда турнирнинг энг яхши футболчиси учун совринни ким олиши аниқ бўлади - Мбаппе ёки Мессидан бири бунга лойиқ деб топилади.
Лекин умид қиламанки, бу Лионель бўлади, чунки мен Мессининг ғалаба қозонишини бутун Аргентинадан кўра кўпроқ истайман.
Мен унинг ғалаба қозонишини хоҳлайман. Марадона даврида ҳам шундай бўлган», — деди бокс бўйича ярим ўрта вазн тоифасида собиқ жаҳон чемпиони.
