Аргентина терма жамоаси ҳужумчиси Лионель Месси жаҳон чемпионатининг гуруҳ босқичи ва барча плей-офф ўйинларида гол урган биринчи футболчига айланди.

Бугун, 18 декабрь куни 35 ёшли ҳужумчи Францияга қарши кечаётган финал учрашувида пенальтидан ҳисобни очди. Бунгача Саудия Арабистони (гуруҳ босқичи, 1:2), Мексика (гуруҳ босқичи, 2:0), Австралия (1/8 финал, 2:1), Нидерландия (1/4 финал, 2:2, пенальтилар - 4:3) ва Хорватия (1/2 финал, 3:0) дарвозасини ишғол қилганди.

Месси Қатардаги турнирда 7 та гол урган, шундан 4 таси пенальтидан.

Франция билан ўйин Мессининг жаҳон чемпионатларидаги 26-ўйини бўлди - бу турнир рекорди.