Argentina terma jamoasi hujumchisi Lionel Messi jahon chempionatining guruh bosqichi va barcha pley-off o‘yinlarida gol urgan birinchi futbolchiga aylandi.

Bugun, 18 dekabr kuni 35 yoshli hujumchi Fransiyaga qarshi kechayotgan final uchrashuvida penaltidan hisobni ochdi. Bungacha Saudiya Arabistoni (guruh bosqichi, 1:2), Meksika (guruh bosqichi, 2:0), Avstraliya (1/8 final, 2:1), Niderlandiya (1/4 final, 2:2, penaltilar - 4:3) va Xorvatiya (1/2 final, 3:0) darvozasini ishg‘ol qilgandi.

Messi Qatardagi turnirda 7 ta gol urgan, shundan 4 tasi penaltidan.

Fransiya bilan o‘yin Messining jahon chempionatlaridagi 26-o‘yini bo‘ldi - bu turnir rekordi.