Франция терма жамоаси бош мураббийи Дидье Дешам тез орада жамоада ишлашни давом эттиришга қарор қилади.

Мутахассиснинг амалдаги шартномаси шу ой охирида тугайди. Қатардаги жаҳон чемпионати финалида Аргентинага ютқазиб қўйган Дешам унинг келажаги ҳақида ҳали бир қарорга келмаганини айтди. Инсайдер Николо Шкиранинг сўзларига кўра, мураббий учун 2024 йилгача янги келишув аллақачон тайёр, бироқ у ҳали таклифга жавоб бермаган.

Шунингдек, Дидье Дешам кетган тақдирда, ишсиз юрган Зинедин Зидан Франция терма жамоасининг янги бош мураббийи лавозимига асосий номзодга айланиши хабар қилинган.