"Барселона" бош мураббийи Хави Эрнандес Аргентина ва Франция терма жамоалари ўртасидаги жаҳон чемпионати финали ҳақида ўз фикрлари билан ўртоқлашди.
“Дўстим Лионель Месси учун жуда хурсандман – тарихдаги энг яхши футболчи сифатида у жаҳон чемпионатида ғалаба қозонишга лойиқ эди. Бу финал барча даврларнинг энг яхшиларидан бири ҳисобланади. Ҳар икки жамоа чемпион бўлишга лойиқ. Жюль Кунде ва Усмон Дембеле яхши турнир ўтказишди, улар ҳам ғалаба қозонишга ҳақли эдилар", - дея Хавининг сўзларидан иқтибос келтирмоқда испан ОАВлари.
Аргентина терма жамоаси учинчи марта жаҳон чемпиони бўлди, Лионел Месси эса фаолиятида илк бор жаҳон чемпионати ғолибига айланди.
