Лондоннинг “Челси” клубининг франциялик ярим ҳимоячиси Нголо Канте февраль ойи охирида майдонга қайтиши мумкин, деб ёзади журналист Фабрицио Романо ўз Twitter саҳифасида.
Манбага кўра, футболчининг тиззасидаги операциядан сўнг тикланиш вақти кечикмоқда. Аввалроқ у январь ойида сафга қайтиши мумкинлиги кутилганди. Ушбу жароҳат туфайли француз 2022 йилда Қатарда бўлиб ўтадиган жаҳон чемпионатини ўтказиб юборди.
Эслатиб ўтамиз, 31 ёшли Кантенинг "Челси" билан шартномаси 2023 йилнинг ёзида тугайди. "Аристократлар" футболчига янги шартнома таклиф қилишмаяпти, шу боис у бошқа клубга текинга ўтади. Канте жорий мавсумда атиги иккита ўйин ўтказди.
