Londonning “Chelsi” klubining fransiyalik yarim himoyachisi Ngolo Kante fevral oyi oxirida maydonga qaytishi mumkin, deb yozadi jurnalist Fabrisio Romano o‘z Twitter sahifasida.
Manbaga ko‘ra, futbolchining tizzasidagi operasiyadan so‘ng tiklanish vaqti kechikmoqda. Avvalroq u yanvar oyida safga qaytishi mumkinligi kutilgandi. Ushbu jarohat tufayli fransuz 2022 yilda Qatarda bo‘lib o‘tadigan jahon chempionatini o‘tkazib yubordi.
Eslatib o‘tamiz, 31 yoshli Kantening "Chelsi" bilan shartnomasi 2023 yilning yozida tugaydi. "Aristokratlar" futbolchiga yangi shartnoma taklif qilishmayapti, shu bois u boshqa klubga tekinga o‘tadi. Kante joriy mavsumda atigi ikkita o‘yin o‘tkazdi.
