Hujumchi Vinisius Juniorning «Real» bilan shartnomasi bir yildan so‘ng yakuniga yetadi. Diario AS nashrining xabar berishicha, braziliyalik futbolchi shu yozda klubda qolishga va har qanday holatda ham amaldagi shartnomasi muddatini oxirigacha yetkazib qo‘yishga qaror qilgan.
Forvard kelajagini «Real» bilan bog‘lamoqchi, biroq «qaymoqranglilar» rahbariyati muzokaralarda unga yon bosmasa, keyingi yozda erkin agent sifatida ketishga tayyor. Xabar qilinishicha, Vinisius dastlabki talablariga qaraganda maosh miqdorini sezilarli darajada kamaytirgan, ammo «Real» murosaga kelishga u qadar shoshilmayapti.
Muzokaralarning ma’lum bir bosqichida tomonlar kelishuvga yaqin kelishgan edi, biroq keyinchalik jarayon yana boshi berk ko‘chaga kirib qoldi. Yangi muhokamalar jahon chempionati yakunlanganidan keyin bo‘lib o‘tadi.
