"Манчестер Сити" ярим ҳимоячиси Кевин де Брюйне "шаҳарликлар" бош мураббийи Хосеп Гвардиола ҳақида фикр билдирди.
31 ёшли бельгиялик футболчининг сўзларига кўра, испаниялик мутахассис футболни ўзгартирган, шу туфайли уни даҳо деб аташ мумкин.
""Унинг фалсафаси - имкон қадар кўпроқ тўпга эга бўлиш ва яхши ўйнаш. У туфайли кўпчилик "Барселона" ва Кройффга ўхшаб ўйнай бошлади", - дея де Брюйне сўзларидан иқтибос келтиради The Guardian нашри.
Гвардиола 2016 йилдан бери "Манчестер Сити"ни бошқариб келмоқда. У аввалроқ "Барселона" ва "Бавария"да ишлаган.
Испаниялик мураббий қўл остида "шаҳарликлар" тўрт марта Англия чемпиони бўлишди ва бир марта мамлакат кубоги соҳибига айланишди.
