Қатарда бўлиб ўтадиган 2022 йилги жаҳон чемпионати ташкилий қўмитаси ходими, ҳамюртимиз Алишер Никимбаев нима учун Қатар амири Тамим ибн Ҳамад Ал Тани Аргентина терма жамоаси ҳужумчиси Лионель Мессига анъанавий араб либослари - бишт совға қилганини тушунтирди.
"Албатта, бундай ишлар режалаштирилган. Бу нафақат миллий либос, балки араб дунёсидаги энг юксак эътироф рамзи. Дарҳақиқат, уни амир билан бир даражага қўйишган.
Қатарликлар учун бундай ғояни амалга ошириш муҳим эди. Боз устига, бошқа аргентиналиклар ҳам кийиниш хонасида шундай кийимларни кутишган. Улар бундан дарҳол фойдаланишганми ёки йўқми, билмайман. Аммо улар буни албатта ўзлари билан олиб кетишди", - деди Никимбаев "РБ Спорт" билан суҳбатда.
