"Барселона" вингери Ферран Торрес жамоага ўтганидан бери умидларни оқлай олмаяпти.
22 ёшли футболчи 2022 йилнинг январида жамоага келиб қўшилганди. Ушбу трансфер каталонияликларга 55 миллион еврога тушди. Журналист Серги Капдевилянинг ёзишича, "Барселона" раҳбарияти Торрес ўз ўйини билан сотиб олиш учун сарфланган маблағни ҳали оқламаган, шунинг учун клуб уни мавсум охирида сотувга қўйиши мумкин деб ҳисобламоқда.
Худди шу фикр “Лидс”дан 58 миллион еврога сотиб олинган Рафиня Диасга ҳам тегишли.
Ферран Торрес жорий мавсумда “Барселона” сафида 18 та ўйинда майдонга тушиб, 5 та гол ва битта голли узатмани амалга оширган.
