"Barselona" vingeri Ferran Torres jamoaga o‘tganidan beri umidlarni oqlay olmayapti.
22 yoshli futbolchi 2022 yilning yanvarida jamoaga kelib qo‘shilgandi. Ushbu transfer kataloniyaliklarga 55 million yevroga tushdi. Jurnalist Sergi Kapdevilyaning yozishicha, "Barselona" rahbariyati Torres o‘z o‘yini bilan sotib olish uchun sarflangan mablag‘ni hali oqlamagan, shuning uchun klub uni mavsum oxirida sotuvga qo‘yishi mumkin deb hisoblamoqda.
Xuddi shu fikr “Lids”dan 58 million yevroga sotib olingan Rafinya Diasga ham tegishli.
Ferran Torres joriy mavsumda “Barselona” safida 18 ta o‘yinda maydonga tushib, 5 ta gol va bitta golli uzatmani amalga oshirgan.