Германия терма жамоасининг собиқ ҳимоячиси Франц Беккенбауэр уч карра жаҳон чемпиони бўлган Пеленинг ўлимига муносабат билдирди.
«Бугун футбол ўз тарихидаги энг буюк инсонни йўқотди, мен эса ноёб дўстимни йўқотдим. Энди футбол абадий сеники бўлади. Тинчлан», — деб ёзди Беккенбауэр Твиттерда.
Эслатиб ўтамиз, Бразилия терма жамоаси таркибида Пеле футболчи сифатида уч карра жаҳон чемпионига айланди (1958, 1962, 1970). У Гиннеснинг рекордлар китобига 1279 та гол муаллифи сифатида киритилган.