1969 йилнинг 19 ноябрь санаси футбол тарихига кирди. Шу куни "Маракана"да "Сантос"нинг “Васко да Гама” билан ўйинида Пеле фаолиятидаги 1000-голини урди. У буни 29 ёшида ва 909-ўйинида амалга оширди. Футбол қироли энг принципиал рақиблардан бири билан ўйинда пенальтидан ўз голини урди. У “нуқта”га яқинлашмоқчи эмас эди, лекин унинг исмини ҳайқирган томошабинлар уни том маънода бунга мажбур қилишди.

70 минг томошабин тарихий ютуқнинг гувоҳи бўлди. Тўп дарвозага киргач, афсонавий бразилияликни журналистлар ўраб олишди ва учрашувни тўхтатишга тўғри келди.

Ҳужумчининг юбилей голидан сўнг, Бразилия Алоқа вазирлиги почта маркасини чиқарди - бу дунёдаги ягона ўйинчининг индивидуал ютуқларига бағишланган эди. Ўшандан бери Сантос ҳар йили 19 ноябрь санасини "Пеле куни" сифатида нишонлайди. “Биринчи марта майдонда оёқларим қалтираётганини ҳис қилдим. Ўшанда миямда битта фикр бор эди: бу голни уришим керак! Бутун “Маракана”: Пеле, Пеле, Пеле!, деб бақирди. Ва мен уларни ҳафсаласи пир қилмадим”, - деб эслаган эди Пеле ўзининг 1000-голини.

Аслида, битта почта маркасий этарли эмас эди. Пеленинг тарихий ютуғини “Бавария” президенти Роланд Эндлер қайд этди. У футбол қиролига Мерcедес-Бенз W114 автомобилини совға қилди.

Функционер бу қимматбаҳо совғани тайёрлади, чунки у Пелени ўз клубига олишни жуда хоҳлаган. Аммо у буни уддалай олмади. Ва 1964 йил апрел ойида “Сантос” Роланд Эндлерни клуб фахрий президенти этиб сайлади. У Пеленинг ватани билан мустаҳкам алоқага эга эди. Шунингдек, у бутун дунё бўйлаб Бразилия терма жамоаси манфаатларини ҳимоя қилган.