1969 yilning 19 noyabr sanasi futbol tarixiga kirdi. Shu kuni "Marakana"da "Santos"ning “Vasko da Gama” bilan o‘yinida Pele faoliyatidagi 1000-golini urdi. U buni 29 yoshida va 909-o‘yinida amalga oshirdi. Futbol qiroli eng prinsipial raqiblardan biri bilan o‘yinda penaltidan o‘z golini urdi. U “nuqta”ga yaqinlashmoqchi emas edi, lekin uning ismini hayqirgan tomoshabinlar uni tom ma’noda bunga majbur qilishdi.

70 ming tomoshabin tarixiy yutuqning guvohi bo‘ldi. To‘p darvozaga kirgach, afsonaviy braziliyalikni jurnalistlar o‘rab olishdi va uchrashuvni to‘xtatishga to‘g‘ri keldi.

Hujumchining yubiley golidan so‘ng, Braziliya Aloqa vazirligi pochta markasini chiqardi - bu dunyodagi yagona o‘yinchining individual yutuqlariga bag‘ishlangan edi. O‘shandan beri Santos har yili 19 noyabr sanasini "Pele kuni" sifatida nishonlaydi. “Birinchi marta maydonda oyoqlarim qaltirayotganini his qildim. O‘shanda miyamda bitta fikr bor edi: bu golni urishim kerak! Butun “Marakana”: Pele, Pele, Pele!, deb baqirdi. Va men ularni hafsalasi pir qilmadim”, - deb eslagan edi Pele o‘zining 1000-golini.

Aslida, bitta pochta markasiy etarli emas edi. Pelening tarixiy yutug‘ini “Bavariya” prezidenti Roland Endler qayd etdi. U futbol qiroliga Mercedes-Benz W114 avtomobilini sovg‘a qildi.

Funksioner bu qimmatbaho sovg‘ani tayyorladi, chunki u Peleni o‘z klubiga olishni juda xohlagan. Ammo u buni uddalay olmadi. Va 1964 yil aprel oyida “Santos” Roland Endlerni klub faxriy prezidenti etib sayladi. U Pelening vatani bilan mustahkam aloqaga ega edi. Shuningdek, u butun dunyo bo‘ylab Braziliya terma jamoasi manfaatlarini himoya qilgan.