Ўтаётган йилнинг сўнгги кунида замонамизнинг энг яхши футболчиларидан бири Криштиану Роналду "Ан-Наср" билан шартнома имзолади. У ерда миллий чемпионат қизғин паллага кирди ва тез орада португалияликни майдонда кўришимиз мумкин.
“Ан-Наср” навбатдаги ўйинни бугун, соат 20:30да “Ал-Халиж”га қарши ўтказади, аммо Роналду бу ўйинни ўтказиб юборади, чунки бир неча соатдан кейингина у клуб футболчиси ҳисобланади.
Катта эҳтимол билан беш карра “Олтин тўп” соҳибининг дебюти 5 январь куни “Ал-Таи”га қарши ўтказилади. Унинг жамоаси навбатдаги ўйинларни: 14 январь куни "Аш-Шабаб"га қарши ва 21 январь куни "Ал-Иттифоқ"га қарши ўтказади.
