Саудия Арабистонининг "Ал-Ҳилол" клуби Лионель Месси номи ёзилган футболкаларни сотувга чиқарди. Клуб дўконидан олинган суратлар ижтимоий тармоқларда тарқалиб, мухлислар орасида катта резонансга сабаб бўлди.
Катта эҳтимол билан “Ал-Ҳилол” шу тариқа португалиялик ҳужумчи Криштиану Роналдунинг “Ал-Наср”га ўтишига жавоб беришга қарор қилди. “Ал-Ҳилол”нинг асосий рақиби декабрь ойи охирида 37 ёшли юлдуз футболчи билан шартнома имзолаганди. Томонлар икки ярим йиллик меҳнат шартномасини туздилар. Криштианунинг даромади 200 миллион еврони ташкил қилади.
Мессининг "ПСЖ" билан шартномаси бор. Томонлар ўртасидаги амалдаги шартнома жорий мавсум охиригача ҳисобланган.
