"Тоттенхэм" қишки трансфер бозорида Антонио Контени қўллаб-қувватламоқчи. Лондон клуби радарида "Барселона" ҳужумчиси Ферран Торрес турибди. "Шпорлар" ҳозирда 22 ёшли футболчи учун таклиф тайёрламоқда.
Манбага кўра, "Тоттенхэм" Ферран Торресни 35 миллион евро эвазига сотиб олмоқчи. Клублар музокаралар жараёнида муроса топа оладими ёки йўқми, буни айтиш қийин.
Ферран Торрес бир йил олдин "Барселона"га ўтган эди. Бу вақт ичида ҳужумчи клуб сафида 45 та ўйин ўтказиб, 12 та гол урди ва 7 та голли узатмани амалга оширди.