"Реал Мадрид" сўнгги уч йил ичида биринчи марта Испания кубоги ўйинида гол ўтказиб юбормади.
Мураббий Карло Анчелотти шогирдлари Испания кубоги 1/16 финал учрашувида 4-дивизион иштирокчиси "Касереньо"ни мағлуб этишди (1:0). Учрашувдаги ягона гол мадридликлар жамоасининг бразилиялик вингери Родриго томонидан киритилди.
Шу тариқа Мадрид клуби ушбу турнирдаги кетма-кет бешта ўйиндан буён давом этиб келаётган гол ўтказиб юбориш сериясини тўхтатди.
"Реал Мадрид" 2020 йил январь ойида "Сарагоса"ни 4:0 ҳисобида мағлуб этганди. Ўшанда испан клуби сўнгги бор мусобақа ўйинида гол ўтказиб юбормаганди.
Мадрид клуби 38 очко билан Ла Лига турнир жадвалида иккинчи ўринда бормоқда.
"Қаймоқранглилар" навбатдаги ўйинни 7 январь куни сафарда "Вильярреал"га қарши ўтказади.
