Санкт-Петербургнинг "Зенит" ва Москванинг "Спартак" клубларининг собиқ ҳужумчиси, айни дамда эркин агент мақомида турган Артём Дзюбада фаолиятини БАА ва Саудия Арабистонида давом эттириш имкониятлари бор. Бу ҳақда “Матч ТВ” телеканали сайти хабар берди.
Шу билан бирга, манба таъкидлаганидек, 34 ёшли ҳужумчи кучлироқ чемпионатга ўтмоқчи бўлгани учун ҳали бу вариантларни кўриб чиқмаяпти.
Дзюбанинг сўнгги клуби Туркиянинг “Адана Демирспор” клуби бўлган. Ноябрь ойида 34 ёшли тўпурар клуб билан шартномасини бекор қилганди.
Жорий мавсумда Артём Суперлиганинг тўртта учрашувида қатнашиб, битта гол урди.
