"Барселона" "Лацио" мухлисларининг Самуэль Умтитига қарши ирқчилик маъносидаги ҳайқирикларини қоралади.
Ҳуқуқлари "Барселона"га тегишли бўлган Умтити Италиянинг "Лечче" клубида ижара асосида ўйнамоқда. А Сериянинг 16-туридан ўрин олган "Лацио"га қарши ўйинда (2:1) ҳимоячи Рим клуби мухлислари томонидан ирқчилик маъносидаги ҳақоратларга учради.
"Барселона" Самуэль Умтитини тўлиқ қўллаб-қувватлайди ва шафқатсизлик, ирқчилик, ксенофобия ва муросасизликнинг ҳар қандай кўринишига қатъий қаршилик қилади" - дейилади каталонияликларнинг расмий баёнотида.
