"Интер" ҳимоячиси Милан Шкриньярнинг келажаги ноаниқлигича қолмоқда.
Миланликлар 27 ёшли словакиялик футболчи билан шартномани узайтириб, уни ўз сафида сақлаб қолмоқчи. Футболчининг амалдаги шартномаси мавсум охирида тугайди.
Inter Live нашри хабарига кўра, "Ливерпуль" Милан Шкриньяр учун курашга қўшилган. "Мерсисайдликлар" Виржил ван Дейкнинг жароҳати билан боғлиқ вазиятни инобатга олган ҳолда словакиялик футболчини қишда қўлга киритмоқчи.
Агар Милан Шкриньяр шартномани узайтирмаса, "Интер" футболчини январда сотиши оқилона бўлади, чунки, у ёзда текинга жамоани тарк этиши мумкин.
Шунингдек, Милан Шкриньярга "ПСЖ" ва "Тоттенхэм" клублари ҳам қизиқиш билдиришмоқда. Футболчининг нархи 60 миллион еврога баҳоланмоқда.
