"Днепр" ҳимоячиси Виталий Денисов жамоасининг Европа лигасидаги рақиби - Чехиянинг "Слован" клуби ва у ердаги легионер-"жосус"лар ҳақида сўз юритди.

- Қуръадан кўнглингиз тўлдими?

- Чемпионга қарши ўйнаш ҳар доим ёқимлми. Кўнглим тўлади, қачонки чех клубидан ўтсак. Ҳозирча, "Слован" ҳақида кўп маълумотларга эга эмасман ва бундан маъно йўқ. Мураббийлар штаби рақиб ҳақида барча маълумотларни етказишади ва "Слован"нинг ўйинларини кўриб чиқамиз. Ўйлайманки, Чехиядаги бизнинг легионерларимиз - Мазух ва Лаштувкалар ҳам чех футболининг баъзи қирраларини очиб берадилар.

- Кўпроқ маълумот олиш учун "Слован" таркибидаги украинлар билан гаплашишдан маъно борми?

- Бу йигитлар билан шахсан таниш эмасман, аммо бизнинг собиқ "динамочи"ларимиз собиқ жамоадошлари билан гаплашиб нимадир олишлари мумкин. Аммо ҳар қандай ҳолатда ҳам рақибнинг кучли ва кучсиз тарафлари ҳақида гапиришга эрта. Ҳаммаси майдонда ҳал бўлади. Менинг олдимда эса ушбу ўйинларда асосий таркибга тушиш учун кураш турибди.

 - Биринчи ўйинни меҳмонда ўйнаш "Днепр"га қўл келадими?

- Шахсан менга ҳалқаро ўйинларни меҳмонда ўтказиш қулайроқ.Рақиб ҳақида кўп маълумотга эга бўлмай, меҳмондаги ўйинда жамоанинг кучи кўзга ташланади. Уйда эса бутундай бошқача ўйин, бошқача тактика кўрсатиш мумкин. Шунингдек, ишқибозларнинг қўллаб-қувватлашлари ҳам асқотади.

 - Чехия чемпионати ҳақида нималарни биласиз?

- Чехия чемпионатида ўз вақтида менинг Ўзбекистондаги дўстим тўп сурган. Унинг гапларига қараганда, у ерда қаттиқ ва кучга таянган футбол ўйнашади ва ўйинчилари шунга мослашаган. Мана, масалан, "Днепр"нинг чехиялик легионерларини олайлик - ҳақиқий жангчилар. Шунинг учун ўйинлар қизиқарли бўлади. Бунинг устига мухлисларимиз еврокубокларни соғинишган. Биз ҳам уларни хурсанд қилиш учун қўлимиздан келган барча ишни қиламиз.