Журналист Фабрицио Романонинг хабар беришича, "Челси" "Атлетико" ҳужумчиси Жоау Феликс учун ижара шартномасини расмийлаштирмоқчи.
Томонлар бир-икки кун ичида барча керакли ҳужжатларни имзолаши кутилмоқда. Аввалроқ, "Челси" ушбу ижара учун 11 миллион евро тўлаши ва 23 ёшли португалияликнинг маошини тўлиқ тўлаши, Мадридликлар эса шартномага сотиб олиш вариантини киритишдан бош тортгани хабар қилинганди.
Феликс 2019 йилнинг июль ойида 127,2 миллион евро эвазига "Бенфика"дан "Атлетико"га ўтган эди. 2022/23 йилги мавсумда у жамоа сафида 20 та ўйинда 5 та гол урди ва 3 та голга ассистентлик қилди.
Transfermarkt.com портали ҳужумчининг нархини 50 миллион еврога баҳоламоқда.
