Бельгия қироллик футбол ассоциациясига бош мураббийлик учун бир қанча аризалар келиб тушди.
Het Nieuwsblad хабарига кўра, бу лавозимга даъвогарлардан бири Саудия Арабистони терма жамоасини ЖЧ-2022да бошқарган Эрве Ренар. Амалдаги шартномага қарамай, у иш жойини ўзгартиришга тайёр.
Шунингдек, “Стандарт” вице-президенти лавозимини эгаллаб турган Мишель Прюдомм ҳам бу лавозимга тайинланиши мумкин.
Шу билан бирга Роберто Мартинеснинг ёрдамчиси бўлиб ишлаган Тьерри Анрининг номзоди федерацияда унчалик қизиқиш уйғотмаяпти. Шунингдек, француз ўз номзодини кўриб чиқиш учун тақдим этганми ёки йўқми ҳозирча аниқ эмас.
