Дортмунднинг “Боруссия” клуби ҳужумчи Юсуф Мукоко билан янги шартнома имзолашга ҳаракат қилмоқда.
Bild хабарига кўра, дортмундликлар умумий суммаси тахминан 40 миллион евро бўлган яна бир таклиф тайёрлаган.
Агар 18 ёшли ҳужумчи тўрт йиллик шартнома имзоласа (қўшимча бир йил), у мавсумда 6 миллион еврогача маош олади ва келишувга эришгани учун бонус сифатида яна 10 миллион олади. Шунингдек, Мукоконинг агенти Патрик Уильямс 2,4 миллион еврогача пул олиши мумкин.
Футболчи томони пайшанба куни музокара ўтказмоқчи. Агар Испаниядаги йиғин якунлангунга қадар келишувга эришилмаса, "Боруссия"нинг Мукоко билан янги шартнома имзолаш имконияти сезиларли даражада пасаяди.
Ҳужумчининг шартномаси мавсум охиригача амал қилади.
