Дортмунднинг “Боруссия” клуби ҳужумчиси Юсуф Мукоко клуб билан шартномасини узайтириши мумкин, шунингдек, “Барселона”га ўтиш ҳам мумкин, деб хабар беради Sport.es.
Манбага кўра, "Боруссия" билан янги шартнома шартларида "Барселона"га 50 миллион евро эвазига трансфер бўлиши мумкинлиги қайд этилган. Мукоко каталонияликлар сафига ўтмоқчи, аммо "анорранглилар" молиявий чекловлар туфайли эҳтимолий трансфер билан боғлиқ муаммоларга дуч келишмоқда. Шу боис "Барселона" шартномаси 2022/23 йилги мавсум охирида тугайдиган футболчини текинга ўз сафига қўшиб олмоқчи. Қайд этилишича, Испания клуби футболчи учун курашда фаворит ҳисобланади.
18 ёшли ҳужумчи жорий мавсумда "Боруссия Дортмунд" сафида барча турнирлар доирасида 22 та ўйинда майдонга тушиб, 6 та гол урди ва 6 та голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.
Аввалроқ Мукоко ёшни сохталаштиришда гумон қилинаётгани хабар қилинганди.