"Барселона" вингери Рафинья Диас қишки трансфер ойнасида жамоани тарк этмайди.

Кўплаб миш-мишларга кўра, "Барселона" бразилиялик футболчининг ўйинидан унчалик мамнун эмас ва унинг келажагига ишончи комил эмас, бундан 26 ёшли футболчига қизиқиш билдираётган Англия Премьер-лигаси вакиллари фойдаланиши мумкин. Шунга қарамай, каталонияликлар Рафиньяни қишда сотишдан умуман манфаатдор эмас, дея хабар беради журналист Тони Хуанмарти.

Футболчи мавсумни албатта "кўка-норранглилар" сафида якунлайди, аммо ёзда ҳамма нарса рўй бериши мумкин: клуб молиявий аҳволини яхшилаш мақсадида бир қанча қиммат футболчиларни сотиш вариантларини кўриб чиқади.

Рафинья Диас ушбу мавсумда “Барселона” сафида 22 та ўйинда майдонга тушиб, 3 та гол ва 5 та голли узатмага муаллифлик қилган.