"Barselona" vingeri Rafinya Dias qishki transfer oynasida jamoani tark etmaydi.

Ko‘plab mish-mishlarga ko‘ra, "Barselona" braziliyalik futbolchining o‘yinidan unchalik mamnun emas va uning kelajagiga ishonchi komil emas, bundan 26 yoshli futbolchiga qiziqish bildirayotgan Angliya Premyer-ligasi vakillari foydalanishi mumkin. Shunga qaramay, kataloniyaliklar Rafinyani qishda sotishdan umuman manfaatdor emas, deya xabar beradi jurnalist Toni Xuanmarti.

Futbolchi mavsumni albatta "ko‘ka-norranglilar" safida yakunlaydi, ammo yozda hamma narsa ro‘y berishi mumkin: klub moliyaviy ahvolini yaxshilash maqsadida bir qancha qimmat futbolchilarni sotish variantlarini ko‘rib chiqadi.

Rafinya Dias ushbu mavsumda “Barselona” safida 22 ta o‘yinda maydonga tushib, 3 ta gol va 5 ta golli uzatmaga mualliflik qilgan.