Каталониянинг "Барселона" клуби устози Хави Эрнандес Испания Суперкубоги финали доирасида "Реал"га қарши ўйиннинг (3:1) энг яхши футболчиси деб топилган Гави ҳақидаги фикрлари билан ўртоқлашди.

"Унинг ўйинини кўрсам, индамай қоламан. Гави бутун қалби билан футбол ўйнайди. У майдонда бўлмаганида ўзимни ноқулай ҳис қиламан. 18 ёшида бу йигит жамоага қўшимча куч беради. У ҳамма кучини 100 фоиз сарфлайди. У туғма етакчи", - деди Хави Marca билан суҳбатда.

Охирги финалда 18 ёшли ярим ҳимоячи битта гол урди ва иккита голли узатмани амалга оширди. Унинг трансфер нархи 90 миллион еврога баҳоланмоқда.