"Манчестер Юнайтед" ҳимоячиси Рафаэл Варан жамоа бош мураббийи Эрик тен Хагнинг фикрларини яхшироқ тушуна бошлаганини айтди.
"Энди биз ўзимизни "Манчестер Сити"га қарши ўтган ўйинга қараганда анча яхши ҳис қиляпмиз. Эрик тен Хаг нимани хоҳлашини ва буни қандай қилишни истаётганини яхшироқ биламиз. Биз бу жамоанинг ривожланишини кўриб турибмиз. Тўлиқ ўйинни юқори савияда ўтказдик. Биз жуда хурсандмиз.
Премьер-лигадаги ҳар бир ўйиннинг шиддати ақл бовар қилмайди. Бу Чемпионлар лигасидаги йирик ўйинларга жуда ўхшайди. Ритм жуда юқори. Лигадаги футболчилар жисмонан яхши тайёргарлик кўришган. Биз ғалаба қозониш қанчалик қийинлигини биламиз", - дея Вараннинг сўзларини келтиради "Манчестер Юнайтед" расмий сайти.
20-турдан сўнг “Манчестер Юнайтед” 38 очко билан АПЛ турнир жадвалида тўртинчи ўринда бормоқда.
