"Manchester Yunayted" himoyachisi Rafael Varan jamoa bosh murabbiyi Erik ten Xagning fikrlarini yaxshiroq tushuna boshlaganini aytdi.
"Endi biz o‘zimizni "Manchester Siti"ga qarshi o‘tgan o‘yinga qaraganda ancha yaxshi his qilyapmiz. Erik ten Xag nimani xohlashini va buni qanday qilishni istayotganini yaxshiroq bilamiz. Biz bu jamoaning rivojlanishini ko‘rib turibmiz. To‘liq o‘yinni yuqori saviyada o‘tkazdik. Biz juda xursandmiz.
Premyer-ligadagi har bir o‘yinning shiddati aql bovar qilmaydi. Bu Chempionlar ligasidagi yirik o‘yinlarga juda o‘xshaydi. Ritm juda yuqori. Ligadagi futbolchilar jismonan yaxshi tayyorgarlik ko‘rishgan. Biz g‘alaba qozonish qanchalik qiyinligini bilamiz", - deya Varanning so‘zlarini keltiradi "Manchester Yunayted" rasmiy sayti.
20-turdan so‘ng “Manchester Yunayted” 38 ochko bilan APL turnir jadvalida to‘rtinchi o‘rinda bormoqda.