Франция терма жамоаси ва Мюнхеннинг “Бавария” клуби ҳимоячиси Бенжамин Павар фаолиятини Испания чемпионатида давом эттириши мумкин, дея хабар беради Todofichajes.
Журналистларга маълум бўлишича, 26 ёшли футболчига "Реал" қизиқиш билдирмоқда. “Қироллик” клуби немис гранди билан шартномаси 2024 йил ёзида якунига етадиган футболчи учун “Барселона” билан кураш олиб бориши керак. Унинг трансфер нархи 35 миллион еврога баҳоланмоқда.
Германия чемпионатининг жорий мавсумида Бенжамин 13 та жанг ўтказиб, битта гол урди ва иккита сариқ карточка олди.