"Манчестер Юнайтед" ярим ҳимоячи Факундо Пельистрини ижарага бериши мумкин. Журналист Фабрицио Романонинг хабар беришича, клуб уругвайлик футболчининг агенти билан учрашиб, 21 ёшли ярим ҳимоячининг январь ойида жамоани тарк этишини муҳокама қилади.
Пельистри клуб ва “қизил иблислар” бош мураббийи Эрик тен Хагнинг қарорини кутмоқда, чунки унинг хизматларига “Валенсия”, “Болонья” ва “Фламенго” каби кўплаб жамоалар қизиқиш билдирмоқда.
Жорий мавсумда футболчи Лига кубогининг атиги битта учрашувида қатнашиб, голли узатмани амалга оширишга муваффақ бўлди.
"Юнайтед" жорий мавсумда 18 турдан кейин 38 очко билан Премьер-лигада тўртинчи ўринни эгаллаб турибди.
