Гави Севильяда туғилган ва фаолиятини "Бетис" академиясида бошлаган. 2014 йил апрель ойида ўша пайтда тўққиз ёшли ярим ҳимоячи Мундалито болалар турнири финалида "Барселона" болалар жамоасига қарши ўз иқтидорини кўрсатди. Ўша куни у 4 та гол урди ва 1 та голли узатмани амалга оширди ва унинг шарофати билан жамоа чемпионликни қўлга киритди.

Каталониялик журналист Хосеп Капдевила академия мураббийи Девид Санчес билан суҳбатлашди, у Гави қандай қилиб рақибларнинг барча мураббийлар штабини ҳайратда қолдира олганини айтди:

“Пабло Пабло қила оладиган нарсани қилди. Унинг рақобатбардош гени, шиддати, у ҳеч қачон тўпни йўқотишни истамайдиган футболчи бўлган ва ҳозир ҳам шундай бўлиб, жамоаси ғалаба қодониш учун бор иқтидорини берди.

У бизга ўйин давомида тўпни бермади, уни тинимсиз қайтарди, босимлардан тез чиқиб кетди, ғалаба учун ҳамма нарсани қурбон қилди. Биз уни тўхтата олмадик. Ва тўртта гол ҳам бошқача тарзда киритилди.

Орадан бир йил ўтиб, "Барселона" Гавини ёшлар жамоасига қўшиб олди ва айнан Санчес ўша ёшлар турнирида жамоасини тор-мор этган ёш футболчини бошқариш имкониятига эга бўлди.

Орадан атиги 9 йил ўтиб, Гави кўплаб ёш футболчилар орзу қиладиган нарсага эришди. У "Барселона" учун "Класико"да гол урди. Ва каталонияликлар билан биринчи совринини қўлга киритди.

Бу ёзда клуб унинг янги шартномасини расмийлаштириши ва унга Хави кийган афсонавий 6-рақамли футболкани бериши кутилмоқда.