«Tata Steel-2023» нуфузли халқаро турнирининг бешинчи кунида Нодирбек Абдусатторов ва жаҳоннинг биринчи рақамли шахматчиси Магнус Карлсен билан тўқнаш келиб, ғалаба қозонди. Ҳамюртимиз ўйиндан кейин ўз ҳиссиётлари билан ўртоқлашди.

— Қизиқарли ўйин бўлди. Магнус ўйинни C4 билан бошлади (инглизча дебют). Мен ундан бошқачароқ старт кутгандим. Кейин у Филни A2 катакка олди. Бу кам ишлатиладиган юриш. Ўйлашимча, мен дебютдан кейин яхши позицияни эгалладим.

Карлсен ўз Руҳини қурбон қилиб, Филни A3 хонасига юрди. Бу билан у менинг имкониятларимни етарли баҳоламади.

Назарий жиҳатдан ўйиннинг эндшпил қисми дуранг ҳисобланади. Аммо мен рақиб шоҳининг йўлини тўсиб қўйганим учун ўйиндан узилиб қолди.

Умуман олганда, баҳс дуранг билан якунланиши мумкин эди, чунки бу ўйинда ғалаба қозониш деярли имконсиз эди. Оғир учрашув бўлди.

Классик шахматдаги катта ўйин бўлдими? Ҳа, катта ўйин бўлди, аммо энг яхшиси эмас.

— Бугун жаҳоннинг энг кучли шахматчисини мағлуб этиш сизга қандай ҳиссиётларни берди?
— Бу мен учун ажойиб, албатта. Олдин ҳали 8та ўйин бор. Шунинг учун олдиндан бирор нарса дейиш қийин.