«Tata Steel-2023» nufuzli xalqaro turnirining beshinchi kunida Nodirbek Abdusattorov va jahonning birinchi raqamli shaxmatchisi Magnus Karlsen bilan to‘qnash kelib, g‘alaba qozondi. Hamyurtimiz o‘yindan keyin o‘z hissiyotlari bilan o‘rtoqlashdi.

— Qiziqarli o‘yin bo‘ldi. Magnus o‘yinni C4 bilan boshladi (inglizcha debyut). Men undan boshqacharoq start kutgandim. Keyin u Filni A2 katakka oldi. Bu kam ishlatiladigan yurish. O‘ylashimcha, men debyutdan keyin yaxshi pozisiyani egalladim.

Karlsen o‘z Ruhini qurbon qilib, Filni A3 xonasiga yurdi. Bu bilan u mening imkoniyatlarimni yetarli baholamadi.

Nazariy jihatdan o‘yinning endshpil qismi durang hisoblanadi. Ammo men raqib shohining yo‘lini to‘sib qo‘yganim uchun o‘yindan uzilib qoldi.

Umuman olganda, bahs durang bilan yakunlanishi mumkin edi, chunki bu o‘yinda g‘alaba qozonish deyarli imkonsiz edi. Og‘ir uchrashuv bo‘ldi.

Klassik shaxmatdagi katta o‘yin bo‘ldimi? Ha, katta o‘yin bo‘ldi, ammo eng yaxshisi emas.

— Bugun jahonning eng kuchli shaxmatchisini mag‘lub etish sizga qanday hissiyotlarni berdi?
— Bu men uchun ajoyib, albatta. Oldin hali 8ta o‘yin bor. Shuning uchun oldindan biror narsa deyish qiyin.