Ҳужумкор ярим ҳимоячи Леандро Троссард "Брайтон"дан "Арсенал"га ўтди, бу ҳақида бироз аввал расман эълон қилинди. "Канонирлар" бош мураббийи Микел Артета ушбу трансфер ҳақида фикр билдирди.
“Клубдагиларнинг барчаси Леандро билан шартнома имзолашда яхши иш қилишди. У ажойиб техник қобилият, ақл-заковат ва Премьер-лигада ва халқаро миқёсда катта тажрибага эга кўп қиррали футболчидир. Леандро мавсумнинг иккинчи ярмида жамоамизни кучайтиради ва биз у билан ишлашни интиқлик билан кутамиз. Биз Леандро ва унинг оиласини табриклаймиз", деди Артета, "канонирлар" матбуот хизматига.
