Hujumkor yarim himoyachi Leandro Trossard "Brayton"dan "Arsenal"ga o‘tdi, bu haqida biroz avval rasman e’lon qilindi. "Kanonirlar" bosh murabbiyi Mikel Arteta ushbu transfer haqida fikr bildirdi.
“Klubdagilarning barchasi Leandro bilan shartnoma imzolashda yaxshi ish qilishdi. U ajoyib texnik qobiliyat, aql-zakovat va Premyer-ligada va xalqaro miqyosda katta tajribaga ega ko‘p qirrali futbolchidir. Leandro mavsumning ikkinchi yarmida jamoamizni kuchaytiradi va biz u bilan ishlashni intiqlik bilan kutamiz. Biz Leandro va uning oilasini tabriklaymiz", dedi Arteta, "kanonirlar" matbuot xizmatiga.
