"Барселона" вингери Ферран Торрес мавсум охирида жамоани тарк этиши мумкин.
22 ёшли футболчи январдаги трансфер ойнасида сотилмайди, аммо унинг келажаги ҳали ҳам сўроқ остида. Испания матбуоти хабарига кўра, "Барселона" директорлар кенгашидаги баъзилар, агар испаниялик футболчи жорий мавсумнинг қолган ўйинларида ўз ўйинини яхшиламаса, уни ёзда сотувга қўйиш оқилона бўларди, деб ҳисобламоқда.
Ферран Торрес жорий мавсумда Хави Эрнандес жамоасида 23 та ўйинда майдонга тушиб, 5 та гол ва 1 та голли узатма муаллифига айланди. Унинг шартномаси 2027 йилнинг ёзига қадар мўлжалланган.
