"Barselona" vingeri Ferran Torres mavsum oxirida jamoani tark etishi mumkin.
22 yoshli futbolchi yanvardagi transfer oynasida sotilmaydi, ammo uning kelajagi hali ham so‘roq ostida. Ispaniya matbuoti xabariga ko‘ra, "Barselona" direktorlar kengashidagi ba’zilar, agar ispaniyalik futbolchi joriy mavsumning qolgan o‘yinlarida o‘z o‘yinini yaxshilamasa, uni yozda sotuvga qo‘yish oqilona bo‘lardi, deb hisoblamoqda.
Ferran Torres joriy mavsumda Xavi Ernandes jamoasida 23 ta o‘yinda maydonga tushib, 5 ta gol va 1 ta golli uzatma muallifiga aylandi. Uning shartnomasi 2027 yilning yoziga qadar mo‘ljallangan.
