"Милан" ва Франция терма жамоаси ҳужумчиси Оливье Жиру Қатардаги жаҳон чемпионатининг финали ҳақида фикр билдирди.
Аргентиналиклар 36-дақиқага келиб 2:0 ҳисобида олдинга чиқиб олишди ва Дешам тузатиш киритишга мажбур бўлди, бунинг қурбонларидан бири 41-дақиқада алмаштирилган Жиру бўлди. Франция асосий ва қўшимча бўлимларда дуранг ўйнади, аммо пенальтилар сериясида мағлуб бўлди.
"Финални эслаш ҳали ҳам мени хафа қилади, мен уни кўриб чиқишни ва бу ҳақда ўйлашни хоҳламайман. Ўша омадсизликнинг ўрнини тўлдириш учун "Милан" билан энг яхши мавсумни ўтказишга ҳаракат қиламан.
Яхши турнир бўлди, бешта ўйинда тўртта гол урдим, аммо финалнинг биринчи ярмидаёқ алмаштирилдим. Буни Дешам билан муҳокама қилиш учун ҳали вақтим бўлади" - деди Жиру Canal+ билан суҳбатда.