"Милан" ва Франция терма жамоаси ҳужумчиси Оливье Жиру терма жамоадаги келажаги ҳақида гапирди.
36 ёшли футболчининг сўзларига кўра, “уч ранглилар” дарвозабони Уго Льорис терма жамоадан кетиши билан уни қандайдир ўйларга етаклаган бўлса-да, унинг ўзи миллий терма жамоадаги фаолиятини жамоада якунламоқчи эмас.
"Ҳозир фаолиятимни Франция терма жамоасида давом эттиришга қарор қилдим. Аввало, ўзимдан сўрашим керак, мен ҳақиқатан ҳам бу кўк рангли футболкани кийишни хоҳлайманми? Шунинг учун мен якуний қарорга шошилмаяпман", - деди Жиру Canal + Sunday билан суҳбатда.
Эслатиб ўтамиз, Жиру Франция терма жамоаси тарихидаги энг яхши тўпурар ҳисобланади. "Уч ранглилар" либосида ҳужумчи 120та ўйин ўтказиб, 53та гол урган. Терма жамоа билан биргаликда Жиру 2018 йилда Россияда бўлиб ўтган жаҳон чемпионатида ҳам ғолиб чиқди.
