"Челси" ярим ҳимоячиси Кристиан Пулишич фаолиятини Италия чемпионатида давом эттириши мумкин. Мамлакатнинг амалдаги чемпиони “Милан” америкалик футболчининг вакиллари билан музокараларни бошлади. Бу ҳақда Marca хабар бермоқда.
Кристиан Пулишич Лондон клубига 2019 йилнинг ёзида келиб қўшилган эди. Жорий мавсумда 21 ўйинда америкалик футболчи битта гол ва иккита голли узатмани амалга оширди. Томонлар ўртасидаги келишув 2024 йилгача мўлжалланган.
Англия Премьер-лигасининг жорий мавсумида 20 та ўйинда "Челси" 29 очко жамғариб, турнир жадвалида 10-ўринда бормоқда. Кейинги турда Грэм Поттер жамоаси ўз майдонида "Фулхэм" билан ўйнайди, кейин эса сафарда "Вест Хэм" билан учрашади.
