"Chelsi" yarim himoyachisi Kristian Pulishich faoliyatini Italiya chempionatida davom ettirishi mumkin. Mamlakatning amaldagi chempioni “Milan” amerikalik futbolchining vakillari bilan muzokaralarni boshladi. Bu haqda Marca xabar bermoqda.
Kristian Pulishich London klubiga 2019 yilning yozida kelib qo‘shilgan edi. Joriy mavsumda 21 o‘yinda amerikalik futbolchi bitta gol va ikkita golli uzatmani amalga oshirdi. Tomonlar o‘rtasidagi kelishuv 2024 yilgacha mo‘ljallangan.
Angliya Premyer-ligasining joriy mavsumida 20 ta o‘yinda "Chelsi" 29 ochko jamg‘arib, turnir jadvalida 10-o‘rinda bormoqda. Keyingi turda Grem Potter jamoasi o‘z maydonida "Fulxem" bilan o‘ynaydi, keyin esa safarda "Vest Xem" bilan uchrashadi.