"Бавария" ва Германия терма жамоаси дарвозабони Мануэль Нойер бир кун аввал Мюнхен клуби дарвозабонлар мураббийи лавозимидан озод этилган Тони Тапаловичга мурожаат қилди.
“Ҳурматли Тони, “Бавария”даги даврингиз нихоясига етди. 11 ярим йилдан сўнг клубни нафақат замонавий дарвозабоннинг кашшофи, балки, энг аввало, ақл бовар қилмайдиган инсон ҳам тарк этмоқда. Ҳамма билади, сизсиз бизнинг муваффақиятимиз бўлмасди. Ва ниҳоят, сиз мени ва ўйин услубимни шакллантиргансиз. Сиз мени бошқа даражага олиб чиқдингиз. Мен сизни соғинаман!" — деб ёзди Нойер ижтимоий тармоқларида.
42 ёшли Тапалович 2011 йилдан буён “Бавария” дарвозабонлари мураббийи ҳисобланар эди.
Матбуотда Тапаловичнинг "Бавария" бош мураббийи Юлиан Нагельсманн билан келишмовчилик бўлгани ҳақида хабарлар пайдо бўлди.
