Мадриднинг “Реал” клуби собиқ “қаймоқранглилар” футболчиси Хаби Алонсони ҳозирги бош мураббий Карло Анчелотти жамоани тарк этганидан кейин олиб келиши мумкин. Бу ҳақда Sport.es нашри хабар бермоқда.
Хаби Алонсо клубни, унинг тузилиши, фалсафаси ва талабларини яхши билади. Унинг "Реал"га қайтиши эҳтимоли юқори, аммо бу қачон содир бўлиши аниқ санаси йўқ. Карло Анчелоттининг "Реал" билан шартномаси 2024 йилда тугайди, агар у ёки бу сабабларга кўра шартнома узайтирилмаса, Алонсо унинг ўрнига ўтиши мумкин.
Шунингдек, Зинедин Зидан, Рауль ва Маурисио Почеттино варианти ҳам кўриб чиқилмоқда.
Мадриднинг “Реал” клуби Алонсо мураббийлик фаолиятини диққат билан кузатиб бормоқда. У айни дамда 2022/2023 йилги мавсумда Бундеслигада 9-ўринни эгаллаб турган Леверкузеннинг "Байер" клубини бошқармоқда.
