"Бавария" бош мураббийи Юлиан Нагельсманн Тони Тапалович Мюнхен клуби дарвозабонлар мураббийи лавозимидан четлатилганидан кейин дарвозабон Мануэль Нойер билан муносабатлари ҳақида гапирди.
"Бу Мануэль билан муносабатларимизга таъсир қилади деб ўйламайман. Тапаловичнинг ишдан бўшатилиши унинг учун қайғули хабар, аммо бу қарор Нойерга қарши эмас", - деди Нагельсман Bayern & Germany билан суҳбатда.
Аввалроқ, "Бавария" Тапаловичнинг клубдан кетишини эълон қилганди. Хабар қилинишича, мутахассиснинг четлатилишига Нагельсманн билан муросасиз келишмовчиликлар, шунингдек, Тапаловичнинг Нойер ва Свен Ульрайхга эътибор қаратаётгани ҳамда "Бавария"нинг ёш дарвозабонларини эътиборсиз қолдиргани сабаб бўлиши мумкин.
"Бавария" 17 учрашувда 36 очко жамғарган ва Германия Бундеслигасининг 2022/2023 йилги мавсумдаги турнир жадвалида биринчи ўринда бормоқда.
