"Фиорентина" "Вольфсбург" ҳужумчиси Йосип Брекало билан шахсий шартнома борасида келишиб олди, дея хабар беради журналист Николо Скира.
24 ёшли хорватиялик футболчи билан 2026 йилгача мўлжалланган шартнома имзоланади. Унинг Италиядаги маоши мавсумига 1,6 миллион еврони ташкил қилади.
Жорий мавсумда у Бундеслигада бор йўғи 6 та ўйинда майдонга тушиб, 1 та голли узатмани амалга оширди.
Унинг немис жамоаси билан шартномаси 2023 йилнинг ёзига қадар тузилган. Transfermarkt портали футболчининг нархини 7,5 миллион еврога баҳоламоқда.
